Një nga projektet për të cilat kryetari i Prishtinës, Përparim Rama dhe stafi i tij krenohen më së shumti është ai në rrugën “Jim Xhema”, e njohur ndryshe si “Rruga A”. Por, ende pa u finalizuar ky projekt, janë shënuar disa raste të shembjes së dheut.

Në dhjetor të vitit të kaluar, një shtëpi në këtë zonë lëvizi tërësisht nga themelet. Katër ditë më parë, një ngjarje e ngjashme rrezikoi të ndodhte edhe me shtëpinë e familjes Maxhuni. Sipas kryefamiljares Shpresa Maxhuni, këtë herë, ndonëse shtëpia nuk u ça apo lëvizi, toka përreth saj u shemb dukshëm.

Në një intervistë për gazetaren e Insajderit, Dijellza Preniqi, Maxhuni rrëfen momentet dramatike të përjetuara atë natë: Rreth orës 22:00 kemi dëgjuar një krismë shumë të madhe. Është ndërprerë rryma. Fëmijët kanë qenë në gjumë. Me dritën e telefonit kemi arritur të dalim jashtë, pasi nga hyrja kryesore nuk mund të dilnim – nuk e dinim sa poshtë kishim rënë. Një situatë të tillë e kishim pritur, pasi i ka ndodhur edhe fqinjëve. Atë natë, nga kjo shtëpi mund të kishin dalë katër viktima.

Për këtë situatë të rrezikshme, Maxhuni fajëson Komunën e Prishtinës dhe mënyrën si po realizohen punimet në këtë projekt.

Për të kuptuar më shumë mbi ngjarjen dhe reagimet e banorëve, ndiqni intervistën në vijim.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!