Zëvendëskryeministri i Parë i Maqedonisë së Veriut, Izet Mexhiti, ka mohuar kategorikisht përfshirjen në çështjen e ngritur nga deputetja Duda Balje, e cila ka deklaruar se i është ofruar një pozitë profesoreje në Shkup në këmbim të votës për ministren Albulena Haxhiu.

Mexhiti ka deklaruar se nuk ka asnjë lidhje me këtë rast dhe se hera e fundit që ka takuar deputeten Balje ka qenë gjatë zgjedhjeve parlamentare në Maqedoninë e Veriut.

Deklaratat e tij vijnë pas akuzave të ngritura nga kreu i AAK-së, Ramush Haradinaj, i cili ka thënë se figura nga koalicioni VLEN – duke përmendur edhe Mexhitin – kanë kontaktuar me deputetin Adem Hoxha, me kërkesë të kryeministrit të Kosovës, Albin Kurti.

Haradinaj ka shprehur shqetësimin për atë që e ka quajtur ndërhyrje të koordinuar politike nga Maqedonia e Veriut në proceset vendimmarrëse në Kosovë.

Mexhiti ka hedhur poshtë çdo akuzë, duke e cilësuar të pavërtetë dhe të pabazë përfshirjen e tij në këtë situatë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!