Të paktën 27 palestinezë u vranë dhe dhjetëra të tjerë u plagosën pas një sulmi ajror të ushtrisë izraelite pranë një qendër të shpërndarjes së ndihmave në pjesën jugore të Gazës këtë të martë.

Ushtria izraelite tha se forcat e saj hapën zjarr ndaj një grupi individësh që kishin devijuar nga rrugët e caktuara afër qendrës humanitare, në Rafah ndërsa shtoi se ende po hetonte çfarë kishte ndodhur.

Vdekjet ndodhën disa orë pasi Izraeli njoftoi se tre ushtarë izraelit ishin vrarë në luftime në pjesën veriore të Gazës, gjatë ofensivës kundër militantëve të Hamasit, raporton Sky News.

Kjo është dita e tretë radhazi e incidenteve të ngjashme ndërsa Izraeli po përpiqet të imponojë një regjim të ri të shpërndarjes së ndihmave në gazë.

Fondacioni Humanitar i Gazës, i mbështetur nga SHBA-ja, hapi javën e kaluar qendrat e para të shpërndarjes së ndihmave me qëllim lehtësimin e krizës së urisë mes popullsisë të rraskapitur nga lufta.

Plani i ndihmave i këtij fondacioni, i cili anashkalon organizatat tradicionale humanitare, është kritikuar ashpër nga Kombet e Bashkuara dhe organizata të njohura humanitare që thonë se ai nuk ndjek parimet humanitare.

Të dielën, zyrtarë palestinezë dhe ndërkombëtarë raportuan se të paktën 31 persona u vranë dhe dhjetëra të tjerë u plagosën. Të hënën tre palestinezë të tjerë u vranë gjithashtu nga zjarri izraelit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!