Miralem Pjaniç dhe Radja Nainggolan janë dy mesfushorët më të kërkuar të Serisë A këtë verë, por situata e dy yjeve të Romës ndryshon nga njëra dhe tjetra.

Në njërën anë reprezentuesi belg, Nainggolan, nuk dëshiron të largohet nga Roma dhe klubi kërkon të paktën 45 milionë euro për lirimin e tij.

Në anën tjetër, Klauzola liruese e Miralem Pjaniç është vetëm 38 milionë euro dhe kontrata e mesfushorit mbaron verën e ardhshme – që do të thotë se klubit romak mund t’i ik mesfushori sezonin e ardhshëm pa asnjë cent.

Madje në kontratën e Pjaniçit ekziston një kusht nga i cili i ulet klauzola boshnjakut në vetëm  28 milionë euro që nga muaji gusht i këtij viti – pra, Roma ka mundësi të mirë që ta shes ish-mesfushorin e Lyonit për 38 milionë para se t’i ulet klauzola liruese në gusht.

Klauzola është një kusht në kontratë, nga i cili futbollisti mund të largohet nëse ndonjë klub tjetër e paguan atë klauzolë që është vënë me nënshkrimin e kontratës.

Duke parë interesimin e madh të klubeve gjigante evropiane, si Bayern, Barcelona apo Manchester City, mesfushori boshnjak e sheh vetën larg Romës vitin e ardhshëm. /Insajderi.com