Zëdhënsja e Komisionit Evropian, Maja Kocijançiq, në një intervistë për portalin serb “Tanjug”, ka thënë se parimi dialogut ndërmjet Kosovës dhe Serbisë është i qartë.

“Qe për një çështje të bisedohet në kuadër të dialogut, të dyja palët duhet të pranojnë për atë”, ka thënë Kocijançiq.

Por ajo gjithashtu ka theksuar se është e nevojshme që edhe Beogradi edhe Prishtina të pranojnë që çështja e Trepçës duhet të futet në rend dite, në dialogun e Brukselit.

Politikanët kosovarë tashmë e kanë hedhur poshtë mundësinë që për kombinatin Trepça të bisedohet në kuadër të dialogut të Brukselit, pasi që siç thonë ata, për pasurinë e Kosovës nuk ka çfarë të bisedohet me Serbinë.

Në anën tjetër, Beogradi zyrtar ka kërkuar edhe ndërhyrjen e Kombeve të Bashkuara sa i përket Trepçës, por duket se nuk do të ketë asgjë nga kjo kërkesë.