Ish-kryetari i Kuvendit të Kosovës aktualisht kryetar i Këshillit Kombëtar të Nismës për Kosovën, Jakup Krasniqi, ka thënë se shtetet Evropiane po vazhdojnë të përkëdhelin Serbinë duke mos e obliguar të merret me seriozisht me kriminelët e luftës.

Reagimi i Krasniqit është nxitur nga një lajm i qarkulluar dje në mediat serbe se në Serbi fshihen tre mijë persona të dyshuar për krime lufte në Ballkan.

“Kjo do të thotë se vendet e Demokracisë Perëndimore, jo vetëm që nuk e kanë obliguar Serbinë që të merret seriozisht me kriminelët serbë apo nuk kanë krijuar një EULEX a Gjykatë Speciale për Serbinë siç po bëjnë me Kosovën, por ata, kriminelët serbë, edhe në Tribunalin e Hagës nuk kanë marrë ndonjë dënim të merituar”, ka shkruar Krasniqi.

“Në kohën kur përkëdhelet Serbia, duke i amnistuar kriminelët serbë për krimet e kryera e të konfirmuara serbe në Kosovë, i gjithë presioni i ndërkombëtarëve është drejtuar ndaj të ashtuquajturave “krime” të kryera nga pjesëtarët e Ushtrisë Çlirimtare të Kosovës”, thuhet tutje në një shkrim të Krasniqit.

Ai ka kritikuar edhe EULEX-in sepse sipas tij, ky mision ka drejtuar gjithë luftën , gjithë luftën kundër krimit e korrupsionit, të mos e drejtonin ekskluzivisht kundër pjesëtarëve të UÇK-së,

“Do t’i kuptoja disi pjesëtarët e këtij misioni sikur të ashtuquajturat “krime” të luftës t’i kërkonin te pjesëtarët e Ushtrisë Çlirimtare të Kosovës (kjo edhe mund të përtypej disi), por, i gjithë orientimi i këtij misioni, për kohën kur ai është i pranishëm në Kosovë (2008-2016), të ndiqeshin ekskluzivisht për krimet ekonomike e korrupsion vetëm ish-pjesëtaret e UÇK-së, kjo, kryekreje, është një veprim thjesht politik e aspak veprim i drejtësisë”, ka thënë Krasniqi.

“Ne një rast të tillë, njeriu s’ka si tëmos i parashtrojë disa pyetje: A thua në qeveritë e pasluftës paskan qenë vetëm njerëz me origjinë nga UÇK-ja? Në institucionet e pavarura, si AKM-ja e cila ka bërë dhjetëra privatizime të kriminalizuara, na paskan qenë me origjinë nga UÇK-ja? Në TRUST e BQK na paskan qenë njerëz me origjinë nga UÇK-ja?”/Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur