Jennifer Lopez (55 vjeçare) shkaktoi një stuhi reagimesh pasi u puth me pasion me balerinët para miliona shikuesve në American Music Awards 2025, që u mbajt të hënën në Las Vegas.
Performanca erdhi vetëm pak muaj pas divorcit të saj nga Ben Affleck dhe fansat nuk i kursyen kritikat.
Edhe pse organizatorët u përpoqën t’i jepnin freski shfaqjes me një fytyrë të famshme, shumë besojnë se performanca e Lopez shkaktoi më shumë shqetësim sesa entuziazëm.
Gjatë natës së hapjes, ajo performoi një përzierje prej 23 këngësh të njohura nga artistë të nominuar, duke përfshirë “Birds of a Feather” të Billie Eilish, “Espresso” të Sabrina Carpenter dhe “Texas Hold ‘Em” të Beyonce.
Reagimet në rrjetet sociale ishin të stuhishme.
Shikuesit e përshkruan performancën e saj si “të sforcuar”, “të pakëndshme” dhe “një përpjekje të dëshpëruar për të tërhequr vëmendjen”.
Momenti në të cilin Lopez puth një balerinë tërhoqi vëmendje të veçantë, të cilin shumë e quajtën “pa shije”.
“Jennifer Lopez e ka humbur plotësisht busullën”, tha një përdorues i X. “Pse po i puth të gjithë J.Lo?”, “Ngrita kokën nga telefoni dhe pashë – Jennifer Lopez duke puthur një vajzë”, janë vetëm disa nga komentet për X.
Sa i përket çmimeve, mbrëmja u shënua nga Billie Eilish, e cila fitoi çmime në të shtatë kategoritë në të cilat u nominua.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
