Drejtori i Përgjithshëm i Policisë së Shtetit shqiptar, Muhamet Rrumbullaku ka dhënë dorëheqjen nga ky Post.

Lajmin e kanë konfirmuar burime jozyrtare për A2 Cnn, sipas të cilave në vend të tij është rekomanduar, zëvendësdrejtori aktual, Sokol Bizhga.

A2 mëson gjithashtu se Muhamet Rrumbullaku e ka dorëzuar dorëheqjen një ditë më parë në orët e mbrëmjes. Sipas burimeve, edhe urdhri për komandim të Sokol Bizhgës në këtë post është bërë një ditë më parë.

Sokol Bizhga më herët deri në vitin 2022 ka mbajtur detyrën e Drejtorit të Forcave Lëvizëse Operacionale, në Departamentin për Sigurinë Publike.

Të premten ministri i Brendshëm, Ervin Hoxha pritet të mbajë një komunikim me mediat, për herë të parë që pas emërimit në krye të këtij dikasteri.

Gjithashtu ministri pritet të bëjë publike dhe ndryshime të tjera në kupolën drejtuese të Policisë së Shtetit, kjo pasi një sërë ngjarjesh kriminale kanë mbetur pa autor./A2

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!