Pas zgjedhjes së Besnik Berishës si kryetar i Këshillit të Mediave të Kosovës (KMP) me katër vota, Jeton Mehmeti ka refuzuar të udhëheqë mbledhjen si kryetar i përkohshëm, shkruan Insajderi.

Mehmeti ka thënë se, sipas ligjit, mandati i tij ka përfunduar dhe ai nuk mund të udhëheqë më mbledhjen, pavarësisht insistimit të anëtarëve të Bordit të KMP-së që ai të vazhdonte deri më 21 janar.

“Unë s’ndjej siguri juridike për të vazhduar, dy kryetarë në një sallë. Misioni im përfundon këtu. Nëse thirret mbledhje tjetër, mund të marr pjesë si anëtar, pasi mandati si anëtar vazhdon deri më 21”, ka deklaruar Mehmeti, duke e mbyllur mbledhjen.

Theksojmë se Besnik Berisha është zgjedhur kryetar i ri i Komisionit të Pavarur të Mediave (KPM), me katër vota nga anëtarët. Ai u zgjodh kundërligjshëm, meqë kryetari i deritanishëm, Jeton Mehmeti, kishte mandat edhe disa ditë.

Berisha njihet për gjuhë linçuese ndaj drejtuesve të mediave. Kritikonte edhe ish-emisarin e SHBA’së në Kosovë, Richard Grenell.

/Insajderi