Presidenti i Serbisë, Aleksandar Vuçiq, ka deklaruar se Serbia gjendet në një situatë të vështirë gjeopolitike dhe se, sipas tij, ka presione të mëdha lidhur me situatën e Kosovës.

Këto komente ai i bëri në një video-mesazh, shpërndarë në rrjetin social të tij ‘Instagram’.

“Serbia ndodhet në një situatë të vështirë gjeopolitike, këto presione janë të mëdha rreth Kosovës dhe do të vazhdojnë. Disa të huaj nuk po e rrëzojnë Serbinë për shkak të Vuçiqit, por po e rrëzojnë një pjesë të Vuçiqit për shkak të Serbisë”.

“Për ta është e rëndësishme që Serbia të jetë sa më e dobët. Duhet të punojmë që Serbia të jetë më e fortë”, tha kreu i shtetit serb.