Një ngjarje tragjike ka ndodhur në orët e hershme të mëngjesit të sotëm në fshatin Gurakoc të komunës së Istogut. Një 62 vjeçare po dyshohet se është vetëvrarë.

Rastin për Insajderin e ka konfirmuar edhe zëdhënësi i Policisë së Kosovës për rajonin e Pejës, Fadil Gashi, i cili shtoi se viktima dyshohet të ketë rënë nga kati i shtëpisë.

“Rreth ores 7:00 është njoftuar Policia se një person (femër), dyshohet se ka rënë nga kati i një shtëpie në fshatin Gurakoc të Istogut, policia ka dalë në vend te ngjarjes, dhe emergjenca e ka konstatuar vdekjen e viktimës, për rastin është njoftuar prokuror”, tha ai.

Në anën tjetër, zëdhënësi i Prokurorisë Themelore në Pejë, Shkodran Nikçi, konfirmoi se trupi i pajetë është dërguar në IML për obduksion.

“Sot në orët e hershme të mëngjesit në fshatin Gurakoc të Istogut, një person i gjinisë femërore është gjetur pa shenja jete. Në vendin e ngjarjes kanë dalë njësitë relevante policore, ndërkaq me urdhër të prokurorit të shtetit, trupi i pajetë është dërguar në Institutin e Mjekësisë Ligjore për autopsi. Dyshimet preliminare tregojnë se e njëjta dyshohet se ka bërë vetëvrasje,” tha Nikçi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!