Kryetari i Kuvendit të Kosovës, Kadri Veseli, ka shpallur sot kandidaturën e tij për kryetar të Partisë Demokratike të Kosovës.

Në një konferencë për media, Veseli ka kërkuar nga anëtarët e kryesisë së PDK-së dhe kolegët e tij ta mbështesin në kandidaturën e tij, si dhe ka shpalosur synimet e tij përmes një programi politik.

“Do të vazhdoj ngritjen e PDK-së si partia më e madhe në vend. Ti shtojë sukseset sepse kemi fituar gjashtë parë zgjedhje lokale e nacionale. Do të vazhdoj politikën e partneritetit ndërkombëtar. Ju siguroj për garantim të sundim të ligjit”, ka thënë Veseli.

Veseli ka theksuar se synimi dhe dedikimi i tij do të jetë tek zhvillimi i qëndrueshëm ekonomik dhe krijimi i vendeve të reja të punës  për qytetarët e vendit.

Veseli po ashtu ka falënderuar edhe pararendësin e tij, Hashim Thaçin, që për vite me rradhë ka kryer me dedikim detyrën e tij. Mirëpo ai tha që ka përvojë dhe kapacitet që ta drejtojë partinë më të madhe në vend.

Aktualisht, Veseli është ushtrues detyre i kryetarit të kësaj partie/Insajderi.com

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh