Instituti Arkeologjik i Kosoves ka përfunduar Ekspozitën Arkeologjike në Kalanë e Prizrenit, trasnmeto Gazeta Metro.

Drejtuesi i projektit të Kalasë së Prizrenit Dr. Shafi Gashi në një promoncim për Gazetën Metro tregon se u bën mbi 10 vite që janë duke u zhvilluar gërmime arkeologjike dhe konzervuese në kala, dhe përfundimisht po hapet edhe ekspozita në të cilën ekspozohet thesari më i mirë i trashëgimisë kulturor të Republikës së Kosovës.

“Duke filluar nga parahistoria e deri tek luftrat ballkanike, Kalaja e Prizrenit është shndërruar në top atrakcionet e turizmit kulturor ku gjatë verës presin mbi 1 mijë vizitorë në ditë dhe është monumenti më i viztuar në vend”, tha Gashi për Gazetën Metro.

Ekspozita e përhershme pritet të jetë e hapur për vizitorë këtë të enjte me 1 gusht në ora 19:00.

Kujtojmë që Kalaja e Prizrenit është një monument i trashëgimisë kulturore në Prizren, Kosovë, që konsiderohet të jetë simboli i qytetit dhe një element me rëndësi në identitetin kulturor të Kosovës.

E ndërtuar në një kodër të lartë, në një ambient piktoresk dhe në një pozitë jashtëzakonisht strategjike, Kalaja ngrihet mbi qytet sikurse edhe mbi luginën e thellë të Lumëbardhit dhe rrafshin e Dukagjinit.

Kalaja i ka fillet e saj në periudhën e parë të qytetërimit të këtij rajoni, në parahistori, me një zhvillim të vazhdueshëm në periudhën Bizantine dhe Osmane. Është përdorur ekskluzivisht si kala deri më 1912.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja