Emin Neziraj, ish-këshilltari i Nagavcit i ka kallëzuar penalisht dy dekanët e Universitetit të Pejës “Haxhi Zeka”. Janë paditur për shpifje. Avdullah Robaj, dekan në Fakultetin Juridik të Pejës dhe Halit Shabani, dekan në Fakultetin e Biznesit.

Padia është dorëzuar nga avokatja, Aurora Mulhaxha.

Ajo pretendon se dyshja se kanë kryer veprën penale “keqpërdorim i pozitës ose autoriteti zyrtar”, duke dhënë sipas saj deklarim të rrejshëm ndaj Nezirajt.

Në kallëzimin penal thuhet se dekanët kanë shpifur ndaj Neziraj, duke thënë se ai është dënuar me 15 muaj burg për substancë narkotike, gjatë vitit 2022.

“Me datën 19.09.2024, në Pejë, në Universitetin “Haxhi Zeka”, në bashkëkryerje, në mbledhjen e Kolegjiumit të Dekanëve në Këshillin Drejtues dhe Menaxhmentin e UHZ-se, të lartëcekurit me qëllim të demtimit tim, e duke e keqpërdor autoritetin zyrtar në atë mënyrë fillimisht i pandehuri Avdullah Robaj deklaron se kinse ka prova se unë Emin Neziraj jam dënuar me 15 muaj burg për substanca narkotike, dhe pastaj z.Shabani citon se paditësi ka qenë 15 muaj në burg, dhe me dt.03.10.2024, postohet deklarimi në media Insajderi, çka mua më shkaktohet dëme i konsiderueshem, e për të cilat fakte të njëjtit kanë qenë të njoftuar se faktet e prezantuara nuk janë të vërteta”, thuhet në kallëzimin penal.