Sulmuesi i Tottenham, Harry Kane, ka fituar çmimin si golashënuesi më i mirë i Premier Ligës por thotë se me qejf do të jepte këtë çmim vetëm për të dalë në vendin e dytë, para rivalit lokal Arsenal.

Kane shënoi 25 herë këtë stinor duke lënë prapa Vardyn e Leicester City dhe Agueron e Manchester City, të cilët shënuan nga 24 herë.

Por, një humbje 5 me 1 në ditën e fundit të Premier Ligës, i mundësoi Arsenalit që përsëri të jetë para Tottenham.

“Kjo dhemb dhe do të më lë shije të keqe për tërë verën,” ka thënë ai.  “Është e vështirë të shohësh Arsenalin të përfundoj e dyta, sepse ju e dini që kjo ka rëndësi për tifozët tanë”.

“Kur njerëzit besojnë se ata kanë pasur një stinor të keq, dhe se ne kemi pasur një të mirë, dhe në fund ata përfundojë më lart se ne, kjo është e vështirë”,” ka thënë ai, njofton Goal.com

Arsenal dhe Tottenham kanë një rivalitet të vjetër mes tyre.

Tifozët e Arsenalit e priten me kënaqësi faktin se do të përfundojjnë në vendin e dytë, para Tottenham./Insajderi.com