Policia e Kosovës ka arrestuar pesë persona në Prishtinë, të njëjtit dyshohen për keqpërdorim të besimit brenda një kompanie, shkruan Insajderi.

Të arrestuarit janë Q.R, R.M, L, H, A.F dhe E.G.

Si rrjedhojë, ata janë dërguar në mbajtje prej 48 orësh.

Njoftimi i plotë:

Prishtinë, 20 maj 2023 – Policia e rajonit të Prishtinës, ka arrestuar pesë persona të dyshuar ndaj të cilëve janë ngritur dyshimet se në periudha të ndryshme kohore, duke keqpërdorur besimin brenda kompanisë kanë shmangur evidentimet e rregullta.

Ndërmarrja e veprime hetimore, nga ana e policisë ka rezultuar me identifikimin si dhe arrestimin e të dyshuarve;

Q. R. 31 vjeç, mashkull, shtetas i republikës së Kosovës,

R. M. 28 vjeç, mashkull, shtetas i republikës së Kosovës,

L. H. 24 vjeç, mashkull, shtetas i republikës së Kosovës,

A. F. 22 vjeç, mashkull, shtetas i republikës së Kosovës, si dhe

E. G. 18 vjeç, mashkull, shtetas i republikës së Kosovës,

Ndaj të dyshuarve policia ka iniciuar një hetim në drejtim të veprës penale “Keqpërdorim i besimit” dhe me aktvendim mbi ndalimin e personit të arrestuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh, si vijimësi e fazave të mëtejme të procesit hetimor.