Përmes raportit 24-orësh të policisë së Kosovës është bërë e ditur se dy viktima janë kanosur nga disa persona. Kjo thuhet të ketë ndodhur për çështje pronësore.

Sipas policisë, viktimat me shtetësi suedeze janë kanosur me vrasje nga të dyshuarit.

Ndërkaq të dyshuarit, sapo kanë arritur në aeroport janë shoqëruar për në Stacionin policor të Prizrenit.

“Rr. Selajdin Braha, Prizren 10.03.2023 – 16:50. Njësitet policore pas pranimit të informatës për kanosje, kanë dalë në vendin e ngjarjes dhe kanë takuar viktimat (babë e bijë) me shtetësi suedeze, të cilët kanë deklaruar se për çështje pronësore, përmes telefonit janë kanosur me vrasje nga të dyshuarit: bashkëshortja, djali e vajza po ashtu me shtetësi suedeze, të cilët kanë ardhur në Kosovë. Të dyshuarit sapo kanë arritur në ANP Adem Jashari, nga njësitë policore janë shoqëruar në Stacionin Policor Prizren. Në lidhje me rastin është konsultuar prokurori i shtetit i cili ka rekomanduar që pas intervistimit palët të lirohen dhe rasti të procedohet në procedurë të rregullt”, thuhet në raport.