Ahmet Isufi, nënkryetar i Aleancës për Ardhmërinë e Kosovës (AAK), ka theksuar se as në rastin më hipotetik nuk e beson se shefi i tij i partisë mund të ekstradohej në Serbi.

Në Info-Box të RTV Dukagjinit, ka thënë se nuk beson që Bashkimi Evropian (BE) ose ndonjë shtet tjetër i këtij mekanizmi, ka interes që ta pranojë ekstradimin e Haradinajt në shtetin e Serbisë.

Mirëpo, në rast ekstradimi të Haradinajt në Serbi, Isufi ka thënë se pasojat do të ishin të paparashikueshme dhe se do të tensionohej situata.

“Pasojat do të ishin të paparashikueshme. Kjo i bie që përfundimisht do të shembet drejtësia. E, kur shembet drejtësia, dihet çka ndodh? Do të tensionohej situata, dhe pastaj nuk e dimë se ku do të shkonte procesi. Nuk dua të besoj se mund të ndodhë një gjë e tillë. Serbisë askush nuk i beson kur ofron akuza të tilla”, ka shtuar Isufi.

Haradinaj është arrestuar të mërkurën në aeroportin e Baselit në Francë, në bazë të një urdhërarresti ndërkombëtar të lëshuar nga Serbia.

Lideri i AAK-së momentalisht ndodhet në një qendër paraburgimi në olmar të Francës. /Insajderi.com