Pas një ankese nga dy ekspertë të shquar në Izrael, të anti-semitizmit, njëri prej të cilëve është ftuar për një konferencë mbi fenë në Kosovë, Hashim Thaçi ka ndaluar shitjen dhe shpërndarjen e librave anti-semite që janë në dispozicion në rrugët e kryeqytetit të Kosovës.

Presidenti i Kosovës Hashim Thaçi urdhëroi autoritetet për të ndaluar libra anti-semite, pasi një izraelit gjatë një vizite në Kosovë ndeshi hapur botimet anti-semite dhe naziste në rrugë kryesore të kryeqytetit, Prishtinës, raporton Insajderi bazuar në shkrimin e  Ynetnews.

“Ynetnews” është një agjenci izraelite e lajmeve, e cila publikon artikuj rreth izraelit dhe hebrenjve në gjuhën angleze. Ajo është pjesë e Yedioth Media Group, e cila ka në pronësi edhe televizion dhe revista javore.

Personazhi që sipas kësaj gazete ka ndikuar që presidenti i Kosovës të ndalojë shitjen e këtyre librave, Ido Daniel, është një ekspert për luftën kundër anti-semitizmit dhe racizmit, që kishte vizituar Kosovës, me ftesë të Qeverisë dhe Organizatës së Bashkëpunimit të Evropës për të marrë pjesë në një konferencë mbi luftën kundër racizmit dhe radikalizmin, “Interfaith”.

Në konferencë morën pjesë ekspertë të terrorizmit nga e gjithë bota, për luftën e Kosovës kundër nxitjes dhe rekrutimit për organizatat ekstremiste të ISIS.

Sic raporton agjencia, ditën kur zhvillohej  konferenca, Daniel kishte nëpër bulevardin kryesor të Prishtinës dhe kishte vënë re se shumë librashitës dhe librari bëjnë shitjen e librave anti-semite të përkthyera në gjuhën shqipe. Në mesin e veprave të shitura ishin tre versione të ndryshme të Mein Kampf.

“Sa njerëz janë të ekspozuar ndaj këtij helmi? Mijëra njerëz kalojnë nga atje çdo ditë. Ajo rezulton se ekziston një industri e tërë e literaturës anti-semitike të përkthyera në gjuhën shqipe dhe të tjera në rajon, si pjesë e një fushate të organizuar e nxitjes kundër hebrenjve në Ballkan “, citohet të ketë thënë Daniel.

Daniel i është drejtuar Ministrisë së Punëve të Jashtme të Kosovës, i cila e ftoi atë në konferencë, dhe paraqiti një ankesë. Së bashku me Dr. Shimon Samuels  nga Wiesenthal Center Simon, sipas agjencisë izraelite i kanë shkruar një letër presidentit të Kosovës për të hetuar çështjen.

Presidenti i Kosovës, shkruan Agjencia, i ishte përgjigj me një letër në adresë të Daniel dhe Dr. Samuels.

“Ne jemi të shqetësuar thellë nga përpjekjet e individëve për të futur ideologjitë radikale dhe kërcënuese në Kosovë. Kësisoj, ne jemi duke marrë informacion mbi aktivitetet e tilla seriozisht”, citohet të ketë shkruar Thaçi.

Tutje presidenti i Kosovës, raporton Insajderi, citohet t’i ketë shkruar edhe diçka tjetër.

“Pavarësisht, ky incident është i rrallë dhe unë mund t’ju siguroj se u jam drejtuar autoriteteve të hetojnë menjëherë këtë incident dhe të ndërmarrin të gjitha hapat e nevojshëm për të parandaluar përhapjen e urrejtjes në një shkelje flagrante të kushtetutës”, citohet të ketë shkruar Thaçi në letrën e tij.

E Daniel është ndarë i kënaqur me këtë përgjigje.

“Njerëzit në Kosovë sot janë pro-Izrael, por kush e di se çfarë mund të ndodhë në dhjetë vjet? Unë vetëm mund të falënderoj Presidentin e Kosovës për të vepruar me vendosmëri kundër shitësit”, citohet të ketë thënë Daniel./Insajderi.com