Prokuroria Themelore në Gjakovë ka njoftuar se ka nisur hetimet ndaj një personi me inicialet Z.V., i dyshuar për posedim dhe transportim të paautorizuar të substancave narkotike.

I dyshuari është ndaluar nga policia më 4 qershor 2025, rreth orës 19:45, në rrugën “Konferenca e Bujanit” në Gjakovë, gjatë një kontrolli rutinë. Gjatë kontrollit, në xhepin e pantallonave të tij janë gjetur nëntë qese plastike me substancë të llojit “kërpudha narkotike-magjike”, me një peshë totale prej 28.44 gramësh.

Prokuroria ka paraqitur kërkesë në Gjykatën Themelore në Gjakovë për caktimin e masës së paraburgimit prej 30 ditësh, ndërsa i dyshuari ndodhet nën masën e ndalimit 48 orësh.

Ai po hetohet për veprën penale të “blerjes, posedimit, shpërndarjes dhe shitjes së paautorizuar të narkotikëve, substancave psikotrope dhe analoge” sipas nenit 267 paragrafi 2 të Kodit Penal të Republikës së Kosovës.

Prokuroria Themelore në Gjakovë ka ritheksuar përkushtimin e saj në luftën kundër kriminalitetit dhe forcimin e sundimit të ligjit./Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!