Udhëheqësit e lartë të Bashkimit Evropian kanë thënë se presin që Britania të veprojë pas momentumit të krijuar nga referendumi dhe të largohet sa më shpejtë që është e mundur, sado i vështirë procesi mund të jetë, njofton The Guardian.

Donlad Tusk, president i Këshillit Evropian, Jean-Claude Juncker, president i Komisionit Evropian dhe Martin Schulz, president i Parlamentit Evropian, kanë thënë se vonesat e shkëputjes së Britanisë vetëm sa mund të prodhojnë paqartësi.

“Kjo është një situatë e paprecedentë, por ne jemi të bashkuar në përgjigjen,” kanë thënë ata në një deklaratë të përbashkët.

Britanikët votuan në favor të një shkëputje nga BE, rezultat që nuk është pritur mirë nga disa liderë botëror./Insajderi.com