Për vetëm dy muaj deputetët e Albin Kurtit që përfaqësojnë votat e qytetarëve në Parlamentin e Kosovës, kanë harxhuar mijëra euro për karburante.

Paratë janë marrë nga buxheti i shtetit, me arsyetimin se disa prej deputetëve udhëtojnë nga vende të ndryshme për në Prishtinë, aty ku edhe është ndërtesa e Kuvendit.

Lexo edhe:

Yllza Hoti, deputetja e partisë në pushtet, Lëvizjes Vetëvendosje, e cila vjen nga Prizreni përgjatë muajve nëntor dhe dhjetor, ka harxhuar hiç më pak se 810 euro karburante, thuhet në të dhënat e siguruara nga Kanal 10, shkruan Gazeta Insajderi.

Rreth 120 euro më pak se ajo, ndonëse vjen nga i njëjti qytet, i ka harxhuar Artan Abrashi, deputeti tjetër i Lëvizjes Vetëvendosje.

Në anën tjetër Fatmire Kollçaku dhe Gramos Agushulli, deputetët e Vetëvendosjes që vijnë nga Peja kanë harxhuar përafërsisht njëjtë për karburante, njëra 660 euro, dhe tjetri 630, shkruan Gazeta Insajderi.

Derisa Agron Batusha, që udhëton në destinacionin Gjakovë-Prishtinë, dhe e kundërta ka harxhuar për dy muaj 570 euro për karburante./Gazeta Insajderi/

Lista e deputetëve të Lëvizjes Vetëvendosje:

Yllza Hoti 810 euro

Artan Abrashi 690

Fatmir Kollçaku 660

Gramos Agusholli  630 euro

Agon Batusha 570