Pesë persona janë arrestuar pasi janë përfshirë në një rrahje në mes veti në fshatin Llaushë të Skenderajt, shkruan Insajderi.

Policia njofton se rreth orës 16:00 është raportuar një incident në dyqanin “Ylli” në lagjen “Zyhrani”. Në vendngjarje është konstatuar se kishte shpërthyer një rrahje mes disa personave. Sinjali shkruan se persoant e përfshirë në rrahje janë Qerim Sylanaj rreth 58-vjeçar, Milaim Geci rreth 55-vjeçar, Ervin Geci rreth 20-vjeçar, Besim Geci rreth 52-vjeçar, L. S. i mitur.

Viktimë e rastit është identifikuar Q. S. rreth 60-vjeçar.

Policia e Kosovës në raportin 24 orësh njofton se lidhur me rastin, është bërë bastisja e shtëpisë së njërit nga të dyshuarit, por nuk është gjetur asgjë e ndaluar. Dy nga të dyshuarit kanë kërkuar tretman mjekësor për lëndimet e marra.

Me vendim të prokurorit, katër nga të dyshuarit janë dërguar në mbajtje për 48 orë, ndërsa njëri nga të dyshuarit, i moshës së mitur, është ndaluar për 24 orë.

“Fsh. Llaushë , Skenderaj 16.08.2025-16:00. Janë arrestuar pesë të dyshuar meshkuj kosovarë, pasi që të njëjtit janë përfshirë në një rrahje në mes veti. Lidhur me rastin është bërë bastisja e shtëpisë së njërit nga të dyshuarit, por nuk është gjetur asgjë e ndaluar. Dy persona kanë kërkuar tretman mjekësor. Me vendim të prokurorit,  katër të dyshuar dërgohen në mbajtje për 48 orë, ndërsa njeri nga të dyshuarit i moshës së mitur ndalohet për 24 orë”, thuhet në njoftimin e policisë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur