Ministria e Arsimit, Shkencës, Teknologjisë ka bërë të ditur se ka përfunduar provimi i maturës. 

Edhe këtë vit testimi i maturantëve nuk ka kaluar pa telashe.

Sipas raporteve të administratorëve, në disa Qendra ka pasur largim të nxënësve nga provimi për shkak të përdorimit të telefonave.

Provimi  të  Maturës, sivjet iu nënshtruan rreth 19 mijë maturantë.

Rezultatet e Provimit të Maturës do të publikohen më 01.07.2024.

Njoftimi i plotë nga MASHT:

Ka përfunduar Provimi i Maturës 2024

Komisioni Shtetëror i Maturës (KShM) njofton se ka përfunduar Provimi i Maturës 2024, të cilit iu nënshtruan rreth 19 mijë maturantë. Provimi i Maturës këtë vit është organizuar në 151 Qendra të Testimit, ku maturantët kanë qenë të sistemuar në 1500 klasa.

Këtë vit kanë qenë të angazhuar 180 kryetarë të komisioneve të caktuar nga MASHTI, 1500 administrues dhe 1500 mbikëqyrës nga Parlamenti i studentëve të UP-së.

KShM falënderon të gjithë akterët e përfshirë në procesin e testimit për kontributin e tyre në mbarëvajtje të procesit.

Sipas raporteve të administratorëve, në disa Qendra ka pasur largim të nxënësve nga provimi për shkak të përdorimit të telefonave.

Sa i përket të dhënave të tjera rreth administrimit, KShM do të raportojë pas përpunimit të të gjitha raporteve nga të gjitha Qendrat e Testimit në nivel vendi.

Rezultatet e Provimit të Maturës do të publikohen më 01.07.2024.