Kryeministri Albin Kurti në konferencën për media pas nënshkrimit të marrëveshjeve me qeverinë e Maqedonisë së Veriut tha se fqinjësia e mirë dhe bashkëpunimi rajonal është qëllimi i marrëveshjeve të nënshkruara.

Përmirësimi i infrastruktrës rrugore, ai tha se është kryesore për çka në këtë drejtim siç tha Kurti  u nënshkruan  dy protokolle për lëvizjen e lirë.

 Pas shumë kohë pritje, kryeministri Kurti tha se më në fund do të kemi kontrolle pikat kufitare.

“Pas shumë kohë pritej më në fund do të kemi kontroll të përbashkët nëpër pikat e përbashkëta të kalimit kufitar Hani i Elezit – Bllacë dhe Glloboqicë – Jazhincë”, tha ai.

Kurti tha se në kuadër të marrëdhënive me RMV një vëmendje e veçantë do t’i kushtohet shkëmbimit të energjisë elektrike dhe shkëmbimit të thëngjillit.

“Patëm një takim bilateral të dytin në më pak se katër muaj. Kosova dhe Maqedonia nuk kanë mos marrëveshje, kemi edhe komunikim të vazhdueshëm. Ekonomia, tregtia, arsimi, shëndetësia, turizmi dhe bashkëpunimi rajonal janë vetëm disa prej tyre. Përmirësimi i infrastrukturës që lidh dy vendet tona.. E dyta ishte memorandumi i mirëkuptimit në sektorin e energjisë. Një vëmendje e veçantë do t’i kushtohet shkëmbimit të energjisë elektrike dhe shkëmbimit të thëngjillit. Dhe e treta është memorandumi i bashkëpunimit në arsim. E falënderoj Maqedoninë e Veriut në forcimin e partneritetit në interes të dy vendeve tona”, tha Kurti.

Kryeministri Albin Kurti, ka thënë se synimet e Kosovës dhe Maqedonisë së Veriut janë që shkëmbimet tregtare të rrisin në gjysmë miliard.

“Sa i përket shkëmbimeve tregtare ato janë duke u rritur ndër vite. Do të arrijmë gjysmë miliardin dhe të ecin industritë e dy vendeve tona”, tha ai.

Kryeministri maqedonas, Hristijan Mickoski tha se gjatë takimit u kontraktuan hapa dhe nisma konkrete që do të kontribuojnë në lidhjen e transportit dhe energjisë që do të kenë ndikim në ekonomi.

“Takimi ishte jashtëzakonisht produktiv me dialog të hapur dhe transparent. Biseduam për një spektër të gjerë të çështjeve.  Kontraktuam hapa dhe nisma konkrete që do të kontribuojnë në lidhjen e transportit dhe energjisë që do të kenë ndikim në ekonomi. Investimi në këto fusha dhe investimi në ardhmen e përbashkët. Jemi të bindur që ardhmëria e Ballkanit Perëndimor është BE-ja. Është koha që t’i zgjedhim çështjet ekonomike, ky takim është për këtë çështje. Është koha të bisedojmë për ardhmen në vend që të flasim për të kaluarën”, tha Mickoski.