Polica e Kosovës sot ka konfiskuar sirenat e alarmit në veri të Mitrovicës, të cilat shërbenin për të prishur rendin dhe qetësinë publike.

Më herët konfiskimin e tyre e ka konfirmuar edhe zëvendësdrejtori i Policisë së Kosovës për rajonin e veriut, Veton Elshani. Ai ka thënë se këto kanë shërbyer në periudha të ndryshme kohore për prishje të rendit dhe qetësisë publike.

“Konfirmojmë konfiskimin e një sirene të alarmit dhe 6 zmadhues të zërit në Mitrovicë veri. Kjo sirenë dhe këta zmadhues zëri kanë shërbyer në periudha të ndryshme kohore për të prishje të rendit dhe qetësisë publike”, tha Elshani.

Ndërkaq, sirena e alarmit dhe zmadhuesit në veri të Mitrovicës janë lëshuar shumë herë nga strukturat paralele kur nga popullata lokale kërkohej të organizoheshin për ndonjë ngjarje të rëndësishme për ta.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur