Cristiano Ronaldo ka tri opsione për lëvizjen e tij të radhës në karrierë, duke përfshirë rikthimin shokues në Evropë mes thashethemeve se do të largohet na Al-Nassr.

Ronaldo po luan sezonin e tij të tretë në Superligën e Arabisë, pasi u transferua atje nga Manchester United.

Ai ka arritur të shënojë plotë 80 gola në vetëm 89 ndeshje të luajtura, që prej se vendosi të braktisë Evropën për Lindjen e Mesme.

Sipas një raportimi nga TEAMtalk, Ronaldo është duke vlerësuar tri opsione para se të marrë vendimin e tij për hapin e ardhshëm në karrierë.

Ish-sulmuesi i Real Madridit dhe Juventusit mund ta rinovojë kontratën e tij me Al-Nassr, duke i kërkuar klubit që të bëjë përforcime të reja.

Sipas raportimit, ai mund ta shfrytëzojë në avantazhin e tij emërimin e shefit të ri, në mënyrë që të përmirësojë klubin arab.

Një tjetër opsion për Ronaldon është rikthimi në Portugali, atje ku mori hapat e parë me fanellën e Sporting Lisbonës.

Dhe në fund, 39-vjeçari mund të pensionohet nga futbolli tërësisht, ani pse ideja e tij është që ta udhëheqë Portugalinë edhe në Botërorin e 2026./Telegrafi/