Presidenti i 47-të i SHBA-së, Donald Trump, mori zyrtarisht mandatin e tij të hënën e 20 janarit.

Menjëherë të nesërmen, ai nisi t’i nënshkruante disa vendime të rëndësishme, shkruan IndeksOnline.

Trumpi është deklaruar se po shqyrton vendosjen e një tarife prej 10 për qind për importet e mallrave të prodhuara në Kinë, duke filluar nga 1 shkurti.

Presidenti paralajmëroi vendosjen e taksës së importit prej 25 për qind për Meksikën dhe Kanadanë, nën arsyetimin se këto dy shtete kanë lejuar hyrjen ilegale të emigrantëve.

Ai pezlloi përkohësisht të gjitha programet e ndihmës së huaj nga ana e Shteteve të Bashkuara për 90 ditë, në mënyrë që të rishikohen dhe të përcaktohet nëse ato janë në përputhje me objektivat e tij politike.

Trumpi liroi nga akuzat të gjithë të përfshirët në incidentin e 6 janarit në Kapitol.

Trump u ka thënë gazetarëve në Shtëpinë e Bardhë se po shqyrton vendosjen e një tarife prej 10% për importet e mallrave të prodhuara nga Kina që më 1 shkurt – duke iu përmbajtur një premtimi elektoral që ai bëri.

Ndërkohë, 22 shtete kanë ngritur padi kundër urdhrit ekzekutiv të nënshkruar dje, që revokonte shtetësinë e të drejtës së lindjes – shtetësia automatike amerikane që i jepet kujtdo që ka lindur në vend.

Trump gjithashtu anuloi udhëzimet që do të kishin penguar shkollat ​​ose kishat të viheshin në shënjestër të bastisjeve të imigracionit dhe rivendosi politikën “Qëndroni në Meksikë”, që i mban azilkërkuesit jashtë vendit gjatë procesit të aplikimeve.

Një predikues fetar dje i kërkoi Trumpit të ketë mëshirë për emigrantët dhe qytetarët e komunitetit LGBT+, për të cilët Trumpi deklaroi se nuk do të ketë më shumë se dy gjini në SHBA.