“Rusia është e gatshme të konsiderojë aspekte të reja të pjesëmarrjes në zgjidhjen e çështjes së Kosovës nëse Serbia dëshiron”, ka thënë ambasadori rus në Beograd Alexandar Botsan-Kharchenko për gazetën serbe “Novosti”.

“Me të gjitha vështirësitë aktuale në marrëdhëniet me Perëndimin, çështja e Kosovës shfaqet në kontakte me, për shembull, pikërisht Bashkimin Evropian. Nëse Beogradi del me disa elementë të rinj kur bëhet fjalë për rolin e Rusisë, ato ide mund të konsiderohen, të cilat tashmë kemi theksuar edhe në nivelin më të lartë”, ka thënë ambasadori rus në Serbi.

Në të njëjtën kohë, Botsan-Kharchenko kujtoi se pjesëmarrja e Rusisë në zgjidhjen e çështjes së Kosovës tashmë është përcaktuar kryesisht nga roli i saj si anëtare e përhershme e Këshillit të Sigurimit të Kombeve të Bashkuara.

“Kjo është gjëja më e rëndësishme, sepse problemi i Kosovës është pjesë e agjendës së Këshillit të Sigurimit. Kjo është shumë më e rëndësishme, më e madhe dhe më parimore sesa negociatat aktuale, sepse në çdo zhvillim të dialogut, është e mundur vetëm një zgjidhje që kënaq interesat e Beogradit dhe që mund të mbështetet nga Këshilli i Sigurimit i KB”, pretendon ambasadori rus./Insajderi.org.