Zëdhënësi  i Shtëpisë së Bardhë, John Kirby tha se mbështetja e ShBA-së për Izraelin do të vazhdojë edhe pas marrëveshjes për armëpushim.

Ai tha gjithashtu se Shtëpia e Bardhë shpreson se disa qindra kamionë të tjerë me ndihma që transportojnë ushqime, ujë dhe ilaçe do të arrijnë në Gaza në ditët në vijim.

Kirby shtoi se kishte disa “indikacione pozitive” se Izraeli dhe Arabia Saudite nuk duan të heqin dorë nga një normalizim i mundshëm i marrëdhënieve diplomatike, i cili po diskutohej përpara shpërthimit të luftës në Gaza më 7 tetor, raporton Al Jazeera.