Pas sulmit me thikë dhe sëpatë të një 17-vjeçari afgan në një tren në Würzburg të Gjermanisë, bëhet e ditur se ai ka vepruar i pavarur, mirëpo motivet e  këtij sulmit ende nuk dihen.

“Ai ka qenë i vetëm në tren dhe e ka kryer i vetëm këtë akt”, bën të ditur ministri i Brendshëm i landit të Bavarisë, Joachim Hermann.

Sipas të dhënave të qeverisë gjermane autoritetet kanë gjetur edhe një flamur të të ashtuquajturit “Shteti Islamik”.

“Gjatë kontrollit të dhomës është gjetur “një flamur i IS-it i vizatuar me dorë”, tha ministrit Hermann, shkruan  DW.

Viktimë e sulmit kanë qenë turistë nga Hong-Kongu, një familje dhe i dashuri i vajzës, siç bën të ditur agjencia e lajmeve dpa.

Nga sulmi në një tren rajonal të hënën në mbrëmje u plagosën 20 persona. Disa media raportuan, se para sulmit, afgani 17-vjeçar kishte thirrur “zoti është i madh”- Allahu Akbar. 17-vjeçari ka jetuar për disa kohë si refugjat.