Sipas të dhënave të Koalicionit për Integritet Zgjedhor, i cili është duke e monitoruar procesin zgjedhor në Komunën e Drenasit, thonë se nga 72 vendvotime 58 janë hapur me kohë, kurse 12 janë hapur me vonesë  prej 10 deri 50 minutash.

“Në shumicën e vendvotimeve vonesat kanë ardhur për shkak të mungesës së materialit zgjedhor”, thuhet në komunikatë.

Koalicioni e vlerëson si shqetësues rastin në qendrën e votimit  0318E /01R – Polluzhë, vëzhguesi i PDK-së i ka kërkuar të nënshkruhen të gjithë vëzhguesit e pranishëm në këtë vendvotim.

Koalicioni veprimin e tillë e konsideron si të papranueshëm dhe si formë e presionit ndaj vëzhguesve të pavarur./Insajderi.com