Policia e Kosovës ka njoftuar se ka arrestuar ngasësin e kamionit që dyshohet se shkaktoi aksidentin në Veternik.

Ndërkaq bëhet e ditur se të lënduarit janë liruar për mjekim shtëpiak. 

Të dhënat për këtë aksident ndryshojnë nga ato që dha dje Policia. Përderisa në konfirmimin e djeshëm u tha se nga ky aksident janë lënduar 11 persona, në raportin 24 orësh thuhet se lëndime nga ky aksident kanë pësuar tetë persona.

Ndryshim ka edhe te numri i automjeteve të përfshira. Dje u tha se në këtë aksident janë përfshirë 11 vetura e një kamion, në raport sot thuhet se aksidenti ka ndodhur mes një kamioni dhe shtatë veturave.