Ministria e Shëndetësisë sot ka informuar se gjatë 24 orëve të fundit kanë vdekur 8 persona që kanë qenë të prekur me Covid-19, ndërsa janë konfirmuar edhe 88 raste të reja. Siç ka informuar MSh, gjatë 24 orëve të fundit kanë vdekur 5 gra dhe tre burra.
Sipas ministrisë, një viktimë është e moshës 40-49 vjeç, dy viktima të moshës 50-59 vjeç, dy viktima të moshës 60-69 vjeç, dy viktima të moshës 70-79 vjeç dhe një viktimë e moshës mbi 80 vjeç.
Gjatë 24 orëve të fundit, dy viktima janë regjistruar në komunën e Prizrenit dhe nga një viktimë në komunat: Kaçanik, Ferizaj, Prishtinë, Kamenicë, Gjakovë dhe Suharekë.
“Sot janë shëruar 651 qytetarë, derisa numri i përgjithshëm i të shëruarve është 152.062. Në total numri i rasteve aktive është 4.800”, ka njoftuar MSh.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
