Avokati Arianit Koci ka thënë se Ramush Haradinaj sot do të paraqitet para zyrës së Prokurorit të Përgjithshëm të Gjykatës së Apelit në Colmar.

“Me këtë rast, dhoma hetuese e kësaj gjykate, do ta shqyrtojë kërkesën e Serbisë për ekstradim”, ka shkruar avokati Koci në llogarinë e tij në facebook.

Ai ka thënë se “Franca është një prej shteteve që më së shumti e ka mbështetur Kosovën në rrugën drejt lirisë, dhe i njeh shumë mirë rrethanat gjatë dhe pas luftës në Kosovë”.

Koci mendon se do të refuzohet kërkesa e Serbisë për ekstradimin e Ramush Haradinajt.

“Prandaj, kërkesa për ekstradim do të refuzohet dhe z. Haradinaj pritet të lirohet gjatë ditës së sotme”, ka përfunduar postimi i avokatit Koci./Insajderi.com