Zyrtari i PDK-së, Gani Koci, ka kritikuar partinë në pushtet për “shfrytëzimin e rastit të Astrit Deharit për qëllime politike”.

Sipas tij, VV-ja po kërkon drejtësi vetëm se zgjedhjet nacionale janë afër.

Përmes një postimi në rrjetin social Facebook, Koci ka akuzuar drejtpërdrejt VV-në për vrasjen e Astrit Deharit.

“Era zgjedhje po vjen! Janë çu në këmbë nekrofilët politikë – nekropolitikanët e LVV-së (siç i quan B. Latifi) dhe po ua lëkundin eshtrat të vdekurve! Të tillët vetëm mbi të vdekurit krijojnë kauza. Po ku ishit o mjeranë ma herët, po tash në fund të mandatit po kërkoni, gjoja, ‘drejtësi për Astrit Deharin’. Kërkojeni te vetja juaj shkakun e vetëvrasjes së tij. Sepse ju përfituat dhe përpiqeni akoma të përfitoni prej gjakut të tij, tashmë edhe i vdekur”.

“Pse dogjët IML-në, ma shumë se dy herë dhe pse vodhët mostrat dhe i kthyet ato pa dhënë kurrë asnjë shpjegim. Veprimet tuaja po ngjajnë në atë kur hajni thotë kapeni hajnin! Kot akuzoni të tjerët. Ju jeni vrasësit e Astritit. Ka me ju vra gjaku i tij”, shkroi Koci.