Cristiano Ronaldo një herë kishte telefonuar dy objektiva të Manchester United për t’i bindur ata që t’i bashkohen klubit dhe ta refuzojnë ofertën e Arsenalit.

Pesë herë fituesi i Topit të Artë ishte urdhëruar nga Sir Alex Ferguson që të siguronte transferimin e dy binjakëve Rafael dhe Fabio da Silva.

Rafael në një intervistë për UTD Podcast, ka zbuluar se ai ka marrë një telefonatë nga Ronaldo si adoleshent dhe influenca e tij kishte ndihmuar që ata të marrin vendimin e tyre.

“Ai më telefonoi, diçka që nuk do ta harrojë asnjëherë. Telefoni im i kishte të gjitha zerot (duke sinjalizuar një thirrje ndërkombëtare) dhe unë po i thosha vetes ‘Kush është ky? Nuk kam marrë asnjëherë një telefonatë të tillë’. Unë iu përgjigja, dhe e njoha atë sepse kisha stërvitur me të më herët”, ka thënë Silva.

“Ai vetëm tha: ‘Ah, (përshëndetje portugeze)!. Unë vrapova drejt autobusit dhe thashë: ‘Është Ronaldo, është Ronaldo! Ai po më telefonon që të bisedojmë”.

“Ai vetëm tha: ‘Po bie shi këtu, është mot me shi në Mançester, siç e dini. Ai tha: ‘Po ju telefonoj që t’ju them juve djema: nënshkruani për Manchester United. Unë e di se ju do ta pëlqeni’”, u shpreh Silva.

“Nuk mund ta besoja këtë. Ishte diçka e mrekullueshme”, përfundoi ai.

Fabio e ndau të njëjtën histori edhe në vitin 2020 dhe shpjegoi se si Ronaldo e ndihmoi atë dhe vëllaun e tij që t’i tejkalojnë barrierat e gjuhës dhe se si i ndihmojë rreth problemeve me besimin duke luajtur tek një prej ekipeve më të mëdha në botë.

Rafael më pas fitoi fanellën e titullarit në pozitën e mbrojtësit të djathtë pas pensionimit të Gary Neville dhe fitoi tre tituj të Ligës Premier.

Ai më pas eventualisht u largua në drejtim të Lyonit në 2015, pasi humbi vendin në formacion nga trajneri Louis Van Gaal.

Fabio në ndërkohë mori vetëm një medalje të Ligës Premier në sezonin 2010/2011 dhe kaloi kohën në huazim tek QPR-ja dhe eventualisht u shit tek Cardiff City në 2014.