Pikat kufitare në Kosovë janë tejet të ngarkuara, me mërgimtarët që po presin për të kaluar.

Sipas të dhënave të fundit, mërgimtarët po presin deri në një orë te pika kufitare Dheu i Bardhë, ku në dalje kolona është 400 metra. Gjithashtu pritje ka edhe në hyrje të kësaj pike, me një kolonë prej 100 metra.

Deri në gjysmë ore, qytetarët po presin për të dalë nga Jarinja, ku kolona aty është deri në 150-200 metra për dalje.

Gjithashtu edhe pika në Merdare është më e ngarkuar.

Aty kolona ka shkuar 120 metra, dhe mërgimtarët po presin deri në katër orë për të dalë nga Kosova.