Komandanti i Gardës Kombëtare të Ohios, John Harris ka folur për pajisjen e Kosovës me raketat anti-tank “Javelin”.

I pyetur nga Tanjug “nëse Serbia duhet të shqetësohet se Amerika po e armatos Kosovën me këto raketa”, ai tha se pajisjet amerikane mund të gjenden kudo dhe se SHBA-ja së fundmi i ka dorëzuar Serbisë 66 automjete të blinduara “Humvee”.

“Gjëja më e rëndësishme është që ne ushtarët të qëndrojmë pranë njëri-tjetrit dhe të ndërtojmë partneritetin tonë mbi këtë, dhe ua lëmë politikën politikanëve”, theksoi Harris, transmeton Klankosova.tv

Tashmë, departamenti Amerikan i Shtetit ka konfirmuar se ka përfunduar periudha 30 ditore e njoftimit të Kongresit Amerikan rreth kërkesës së Kosovës për të blerë “Javelin”.

Një zëdhënës i DASH-it, në një përgjigje për Klankosova.tv tha se tani i takon Kosovës që të vendosë lidhur me planet e tyre për blerjen e “Javelin” nga Amerika.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur