Kompania e barnave “Brupharm” është futur në listën e Zezë për tre muaj nga Organi Shqyrtues i Prokurimit. Kjo kompani është treguar e papërgjegjshme në thirrjen publikë të prokurimit për “Furnizim me barna për nevojat e SHSKUK’së”, shkruan Gazeta Insajderi.

Shërbimi Spitalor dhe Universitar i Kosovës në cilësinë e Autoriteti Kontraktues ka kërkuar nga OSHP të diskualifikoj nga ky aktivitet operatorin ekonomik “Brupharm”.

Në ankesën e tyre thuhet se kompania “Brupharm” nuk ka ofruar dokumentet e kërkuara sipas afatit të paraparë në ligjin e prokurimit.

Në vendimin e lëshuar nga OSHP thuhet se kompania “Brupharm” është diskualifikuar nga pjesëmarrja në aktivitetet e prokurimit për periudhën kohore në kohëzgjatje prej tre muaj, duke filluar nga data 11.03.2025 deri me datën 10.06.2025.

Sipas vendimit, Paneli ka konstatuar se qëndrojnë pohimet e SHSKUK’së sepse operatori ekonomik Brupharm, ka vepruar ne kundërshtim me nenin 99.2 te LPP-se dhe nenin 25.9 të RrUOPP-se, për faktin se i njëjti nuk ka vepruar sipas dispozitave te nenit 25.9 te RrUOPP-se.

“Brupharm” nuk kishte respektuar kontratën për furnizim me barna esenciale

Ministria e Shëndetësisë në vitin 2022 kishte dënuar dy herë me gjobë kompania “Bruprahm” Njëherë 850 euro dhe herën tjetër 150 euro.

Gjobant kanë ardhur pasi kompania nuk i ka kryer me kohë furnizimet me barna esencialë të kërkuara nga ministria.

Nga të dhënat e ofruara nga MSh në tenderin për ‘Furnizim me barna nga Lista Esenciale’ operatori ekonomik ”Brupharm” në dy raste ka shkaktuar vonesa në liferimin e produktit.

Një herë është vonuar për 21 ditë, për produktin ‘Ibuprofen’ me vlerën e faturës prej 16 mijë e 170 euro. Për këtë vonesë, ministria i ka shqiptuar gjobitur në vlerë 849 euro e 93 centë. Herën e dytë është vonuar për 15 ditë, për produktin e njëjtë. Për faturën prej 3 mijë e 921 eurove është gjobitur me 152 e 78 centë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!