Komuna e Gjakovës ka bërë shkelje të rëndë të ligjit për “Për Mbrojtjen e të Dhënave Personale” duke publikuar të dhënat e 200 aplikuesve që përfituan subvensione si pacientë nga Drejtoria e Shëndetësisë dhe Mirëqenies Sociale në Gjakovë, shkruan Insajderi.

200 pacientë u shpallën përfitues të subvencioneve për personat me sëmundje të rënda, rastet emergjente shëndetësore, sëmundjet e ndryshme kardiovaskulare dhe kancerogjene.

Përmes vendimit të publikuar në faqen e komunës janë bërë publik edhe të dhënat personale të tyre.

Aty janë të përfshirë numrat personal, diagnoza, numrat e telefonit dhe llogarinë bankare.

Publikimi i të dhënave persona është i ndaluar përmes Ligjit NR.06/L-282 Për Mbrojtjen e të Dhënave Personale.

Të dhënat e pacientëve janë publikuar që nga muaji prill i këtij viti dhe ende vazhdojnë të jenë online.

/Insajderi.org/