Komuna e Podujevës ka njoftuar të gjithë transportuesit e udhëtarëve që operojnë brenda territorit të saj, se nga data 31 mars 2025, do të kenë detyrimin të hyjnë dhe të operojnë vetëm nga Stacioni i Autobusëve, shkruan Insajderi.
Pas kësaj date, parkimi dhe marrja e udhëtarëve në hapësirat që janë përdorur deri më tash do të ndalohen plotësisht.
Në njoftimin e lëshuar nga Drejtoria për Shërbime Publike, Mbrojtje dhe Shpëtim, thuhet se do të merren masa ndëshkimore ndaj çdo operatori që nuk i përmbahet këtij vendimi.
Inspektorët dhe organet kompetente të komunës do të monitorojnë zbatimin e kësaj mase dhe do të ndërmarrin veprime të përshtatshme ndaj shkelësve.
“Ndaj secilit operator që vepron në kundërshtim me këtë njoftim do të merren masa ndëshkimore nga inspektorët dhe organet tjera kompetente”, thuhet në njoftim.
Këtu e gjeni njoftimin e Drejtorisë për Shërbime Publike, Mbrojtje dhe Shpëtim
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
