Një qytetar i komunës së Rahovecit ka raportuar një rast të hedhjes ilegale të mbeturinave në hapësirë publike.
Për këtë gjest, kryetari i komunës, Smajl Latifi e ka shpërblyer me 50 euro, shkruan Insajderi.
Sipas dokumentit zyrtar, falë denoncimit të qytetarit, rasti është trajtuar nga Inspektorati komunal dhe është identifikuar dhe ndëshkuar shkaktari i ndotjes.
Në vendim thuhet se shpërblimi ka për qëllim të nxisë angazhimin qytetar dhe të forcojë ndërgjegjësimin publik për ruajtjen e ambientit në komunën e Rahovecit.
Komuna njofton se do të vazhdojë me këtë praktikë edhe në të ardhmen, duke ftuar qytetarët të jenë pjesë aktive në ruajtjen e mjedisit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
