Më 16 nëntor do të mbahet takimi i radhës në Bruksel në nivel kryenegociatorësh ndërmjet Kosovës dhe Serbisë.
Kështu ka thënë zëvendëskryeministri i Kosovës, Besnik Bislimi, gjatë raportimit në Komisionin për Integrime Evropiane.
Po ashtu, Bislimi shtoi se “Komisioni Evropian e ka vlerësuar punën e Qeverisë në vendosjen e zbatimit të marrëveshjes për targat”.
Pikërisht, më 30 shtator ishte arritur një marrëveshje në Brukse; për targat.
Por, vitin e ardhshëm do të ketë një diskutim për një zgjidhje të përhershme rreth targave.
Ndërsa, në takimin e ardhshëm Kosovë-Serbi pritet të diskutohet edhe çështja e të pagjeturve.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
