Në Gjilan ka ndodhur një ngjarje e rëndë ku dy persona kanë mbetur të vrarë dhe dy të tjerë janë plagosur si pasojë e të shtënave me armë zjarri.
Lajmin për Insajderin e ka konfirmuar, zëdhënës i policisë për rajonin e Gjilanit, Ismet Hashani.
Hashani tha se një person i njohur për policinë dyshohet për këtë rast dhe aktualisht është në arrati.
“Sot, më 10.08.2025, rreth orës 12:32, dyshohet se ka ndodhur një rast vrasje dhe plagosje me armë zjarri në rrugën ‘Ibrahim Rugova’ në Gjilan. Mjeku kujdestar ka konstatuar vdekjen e dy personave, ndërsa dy persona të tjerë janë plagosur dhe kanë marrë ndihmë në qendrën emergjente në Gjilan. I dyshuari është një mashkull shtetas i Kosovës, i njohur për policinë dhe për momentin është në arrati”, tha Hashani.
Në vendin e ngjarjes kanë dalë njësitet relevante të policisë dhe prokurori i shtetit. Policia e Kosovës dhe Njësitet e hetimeve rajonale po punojnë ngushtë me Prokurorinë për të zbardhur rrethanat e këtij rasti të rëndë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
