Një aksident tragjik ka ndodhur mes një kamioni dhe një veture në magjistralen Pejë-Prishtinë, saktësisht në Klinë.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi.
Ai ka bërë të ditur se në këtë aksident janë përfshirë një kamion dhe një veturë dhe si pasojë kanë dy persona janë lënduar, ndërsa janë nisur për në Spitalin Rajonal të Pejës, ku kanë mbërritur pa shenja jete.
“Rreth orës 18:25, policia është njoftuar për një aksident në magjistralen Prishtinë-Pejë. Në aksident janë përfshirë një kamion dhe një veturë. Si pasojë e aksidentit, dy persona të lënduar që janë nisur për në Spitalin Rajonal në Pejë, kanë arritur në spital fatkeqësisht pa shenja jete”, ka thënë Gashi./Gazeta Insajderi/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
