Zyrtarët kanë thënë se energjia elektrike është ndërprerë në të gjitha krahinat dhe ekipet janë duke u përpjekur që ta përcaktojnë shkakun.

Ministria e energjisë elektrike ka treguar se energjia është duke u riparuar dhe punimet vazhdojnë deri në mesnatë, njofton BBC, raporton Insajderi.

Në të gjitha zonat e luftës në Siri, energjia elektrike ka qenë e pranishme vetëm dy orë në ditë, nganjëherë nuk ka pasur fare. Megjithatë, ndërprerjet e energjisë elektrike në mbarë vendin janë të rralla në kushte normale.

Përderisa, i dërguari i posaçëm i OKB-së, Staffan de Mistura, tha se një armëpushim i pjesshëm që filloi të shtunën ishte duke u mbajtur, por ka mbetur e brishtë.

Staffan de Mistura u tha gazetarëve në Gjenevë se dhuna ishte “reduktuar në masë të madhe”, pavarësisht incidenteve në krahinat e Homsit, Hamasit, Latakias dhe Damaskut.

“Suksesi nuk është i garantuar, por përparimi është i dukshëm,” shtoi ai.

Si opozita, ashtu edhe qeveria kanë akuzuar njëra-tjetrën për shkelje të ndërprerjes së marrëveshjes së armëpushimit e ndërmjetësuar nga SHBA-ja dhe Rusia.