Kongresistja amerikane, Claudia Tenney, i ka nisur një letër Sekreatrit Amerikan, Antony Blinken, në të cilën është ankuar për veprimet e kryeministrit Albin Kurti.

Sipas Tenney, e cila është edhe bashkëdrejtuese e “Congressional Serbian Caucus”- grup që avokon për interesat dhe shqetësimet e serbo-amerikanëve dhe Serbisë, Kurti me veprimet e tij po e rrezikon paqen dhe stabilitetin në Ballkanin Perëndimor.

Tenney që njihet edhe si përkrahëse e ish-presidentit Donald Trump, tani kandidat për t’u rikthyer në Shtëpinë e Bardhë, thotë se përmes letrës së saj ka kërkuar përgjigje nga Sekretari Antony Blinken për veprimet që do të ndërmarrë SHBA që të sigurohen të drejtat e serbëve në Kosovë.

Sipas saj, Kurti duhet të mbahet përgjegjës dhe në letrën e saj, kongresistja amerikane kërkon rritje presioni ndaj kryeministrit të Kosovës dhe marrjen e masave specifike ndëshkuese ndaj kryeministrit Albin Kurti, nëse s’do të ketë ndryshim sjelljeje.

“Edhe një herë, Albin Kurti dhe veprimet e tij po rrezikojnë paqen dhe stabilitetin në Ballkanin Perëndimor. Pavarësisht kritikave të ashpra nga Departamenti i Shtetit, Veprimet e Kurtit nuk kanë ndryshuar. I dërgova një letër Sekretarit Blinken duke kërkuar të dihet se çfarë veprimesh do të ndërmarrë SHBA për të siguruar që të drejtat e serbëve etnikë në Kosovë të mbrohen dhe Kurti të mbahet përgjegjës”, shkruan ajo.

Once again, @albinkurti's actions are jeopardizing peace and stability in the Western Balkans. Despite the harsh criticism from the @StateDept, Kurti's actions have not changed. I sent a letter to @SecBlinken demanding to know what actions the U.S. will take to ensure that the… pic.twitter.com/WdkyV3L566

— Rep. Claudia Tenney (@RepTenney) September 10, 2024