Një rast i kontrabandës me gjëra të shtrenjta është parandaluar nga Policia e Kosovës në Obiliq, shkruan Insajderi.

Nga kontrollimi i 6 lokacioneve janë sekuestruar 10480 copë parfume në vlerë prej 94320 euro dhe dëshmi tjera materiale.

“Në vazhdën e luftës kundër dukurive negative dhe kontrabandës me datë 11.06.2024 Policia e Kosovës, respektivisht njësitë relevante policore në bashkëpunim me institucionet kompetente si Prokuroria, Dogana dhe Administrata Tatimore e Kosovës kanë zbatuar urdhërin e gjykatës, ku janë kontrolluar gjashtë lokacione të ndryshme dhe janë sekuestruar 10480 copë parfume në vlerë prej 94320 euro dhe dëshmi tjera materiale”, thuhet në raportin e policisë.

Në cilësinë e të dyshuarve janë intervistuar tre persona të cilët në konsultim me prokurorin janë liruar në procedurë të rregullt.