Policia e Kosovës ka ndaluar një rast të kontrabandës me mallra në komunën e Vitisë, në kuadër të aktiviteteve të përbashkëta të Njësisë TASK FORCE – Lindje të Policisë dhe Doganës së Kosovës.

Sipas njoftimit zyrtar, është ndaluar një automjet furgon me targa vendore, i drejtuar nga një mashkull kosovar.

Gjatë kontrollit, në automjet janë gjetur mallra tekstil, pajisje elektronike, mbathje sportive dhe produkte të ndryshme të markave tregtare të mbrojtura, për të cilat dyshohet se janë të falsifikuara. Të gjitha këto mallra ishin pa dokumentacion dhe pa fatura.

Hetimet fillestare kanë konstatuar se mallrat dyshohet të jenë transportuar përmes dy kompanive të postave të shpejta, të cilat dyshohet se janë përdorur për dërgimin e paligjshëm të tyre.

Pronari i automjetit është shoqëruar bashkë me automjetin në Terminalin Doganor në Ferizaj, ndërsa mallrat, me vlerë tregu mbi 5 mijë euro, janë sekuestruar nga autoritetet doganore.

Rasti është duke u trajtuar nga Dogana e Kosovës në bashkëpunim me Policinë e Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!